21 DE SEPTIEMBRE DE 2021
Foto: LP's Photography
Despois de dous meses de paréntese a Copa de España de Ciclismo Adaptado regresou este domingo en Ciudad Real con dúas vitorias galegas. Luis Javier Arcega, en MC3, e Iván Manoel Montero, en MH5, exereceron de líderes das súas categorías e conseguiron dúas das vitorias asinadas polos representantes do Paraciclismogalicia, mellor equipo da xornada. O outro podio autonómico obtívoo Ángel López (Inclusivo Enki) en MH2.
O pleno de triunfos de Arcega nesta edición da Copa viviu un novo capítulo na súa cuarta xornada. O líder MC3 impúxose nesta ocasión por diante de Carlos Perona (Fundación Ciclista de Castilla) e Raúl Ballinot (Alberto Contador), segundo e terceiro respectivamente. Na xeral o colchón de puntos do galego amplíase ata os 63 puntos.
O seu compañeiro Montero chegaba ao Gran Premio VI Centenario igualado a puntos con Luís Costa na clase MH5. A vitoria do handbiker do Paraciclismogalicia en Ciudad Real sumouse á ausencia do portugués, polo que a diferenza no ranking da Copa é agora de 60 puntos a prol do coruñés.
O trío de podios autonómicos completouno Ángel López. O handbiker do Inclusivo Enki rematou terceiro, resultado que non lle permitiu manter a segunda praza na xeral. Juan José Muñoz (Villaverde), segundo por detrás do gañador e líder Andrés Urbano (Para-Sport Andalucía), sitúase no ranking con 5 puntos máis que o galego.
O calendario da Copa de España continuará o 2 de outubro co III Gran Premio de Valencia, antepenúltimo evento do certame estatal.
CICLISMO ADAPTADO
CICLISMO ADAPTADO
CICLISMO ADAPTADO
CICLISMO ADAPTADO
EVENTOS
CICLISMO ADAPTADO
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es