03 DE OCTUBRE DE 2020
Comunicado oficial da organización da Godello Bike Race:
"Tras a evolución dos acontecementos e informacións dos últimos días e asumindo a responsabilidade ante a clara recomendación tanto de autoridades locais como sanitarias de non realizar o evento, vémonos na obrigación de aprazar a "Godello Bike Race" ata nova data en 2021.
-Traballamos no desenvolvemento de protocolos COVID que estaban listos para ser aplicados.
-Analizamos os detalles que nos permitirían desenvolver a nosa proba con todas as garantías.
-Recibimos o apoio de Federación, colaboradores, Hotel Pazo de Castro e marcas asociadas e por todo iso estabamos confiados na celebración do evento.
Lamentablemente, nas últimas horas, e como é coñecido por todos, a situación cambiou, empeorando notablemente as previsións e deixando a realización de calquera actividade baixo a responsabilidade exclusiva do organizador, sen garantía algunha sobre a evolución favorable en próximas datas que podería chegar, finalmente, a unha prohibición explícita por parte de autoridades locais. Con enorme desilusión por ter que renunciar ao noso obxectivo, pero asumindo o noso papel na sociedade e tentando minimizar calquera impacto ou repercusión negativa en veciños, colaboradores, marcas ou organismos que nos apoian, tomamos as seguintes medidas:
-A Godello Bike Race aprazarase a 2021 en data 9 e 10 de Outubro.
-Os que contrataron o seguro de cancelación, poderán executalo.
-O resto de rexistrados/ as recibirán por correo postal no domicilio que nos acheguen por correo a máscara personalizada para este evento e outros elementos que xa estaban producidos para a súa bolsa de corredor, quedando a súa inscrición deste ano, reservada para 2021.
-O custo de 10€ para traspasar a inscrición queda anulado para todos os rexistrados.
-Os que contrataron habitación en Hotel Oficial, Menú oficial e/ou servizo mecánico ao facer a inscrición recibirán o importe íntegro destes servizos na súa tarxeta.
Somos parte desta sociedade que se preocupa e pelexa por saír adiante. Confiamos no futuro, por preocupante que sexa o presente. Co esforzo e responsabilidade de todas e todos, conseguirémolo. Para calquera información ou consulta sobre a proba ou as inscricións, pedímosvos que contactedes connosco en: godellobikerace@gmail.com".
AVISOS
AVISOS
AVISOS
AVISOS
AVISOS
AVISOS
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es