Aberto o prazo para solicitar a organización dos Campionatos de Galicia 2023 de Estrada

Desde este luns, día 11 de outubro, está aberto o prazo para solicitar a organización dos Campionatos de Galicia 2023 de Estrada, tanto de fondo como de Contra o Reloxo Individual (CRI), nas diferentes categorías. Os clubs interesados en solicitar algún deles deben remitir o formulario e o prego de condicións que se achegan (cumprimentados, asinados e selados) á Federación Ciclismo Galego por correo electrónico antes das 14:00 horas do vindeiro martes, día 18 de outubro.