Exame de promoción á categoría autonómica para Xuíces Árbitros en prácticas

O Comité Técnico de Árbitros da Federación Ciclismo Galego convoca o exame de acceso á categoría autonómica para Xuíces Árbitros en prácticas. As probas realizaranse o vindeiro 10 de decembro, de 10:00 a 13:00 horas, nas instalacions do Estadio Vero Boquete de San Lázaro, en Santiago de Compostela. O prazo para inscribirse na páxina web da FCG a través da súa plataforma remata o 30 de novembro.

O temario consta dunha parte xeral, doutra referente ás diferentes modalidades (Ruta, Pista, BTT, Ciclocrós, BMX e Trial) e da Normativa Galega de todas as especialidades.