12 DE DICIEMBRE DE 2022
O Comité Técnico de Árbitros (CTA) celebrou o pasado sábado en Santiago de Compostela o exame de acceso á categoría autonómica para Xuíces Árbitros en prácticas. Esta proba realizada nas instalacións do Estadio Vero Boquete de San Lázaro superárona con éxito catro aspirantes: Delmiro Barral Fernández, Laura Fernández Gómez, Javier Galiñanes Lage e Irene Trabazo Bragado. A Federación Ciclismo Galego transmítelles os seus parabéns por ter sido declarados APTOS e deséxalles unha longa e satisfactoria carreira arbitral.
Este cuarteto que se une ao CTA galego culminou con éxito o proceso de aprendizaxe seguido durante o calendario autonómico deste último ano. Exercendo de auxiliares adquiriron coñecementos asistindo ás competicións ao longo do 2022 e esa formación puxérona de manifesto no exame.
O obxectivo acadado é o primeiro paso na carreira arbitral. Máis adiante, poderán seguir ascendendo, obtendo a categoría de Xuíz Nacional, Nacional Elite ou Internacional.
FORMACIÓN
FORMACIÓN
FORMACIÓN
FORMACIÓN
FORMACIÓN
FORMACIÓN
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es