O Enduro Manzaneda Bike Park abre inscricións

Dende este domingo 11 de agosto os eventos da Federación Ciclismo Galego sucédense durante dúas semanas na Estación de Montaña de Manzaneda. O Mini DH abre un programa que continuará co Campus Mini DH by Eva Castro, a última proba da Copa de España de Descenso, o Campus de Ciclocrós... e unha novidade no calendario autonómico. O domingo 25 de agosto chega a primeira edición do Enduro Manzaneda Bike Park. 

As inscricións para a estrea desta competición xa están abertas. Fai click nesta ligazón para anotarte. O Enduro Manzaneda Bike Park arrancará ás 09:00 horas. 

Unha semana antes, o domingo 18, a Copa de España de Descenso 2024 pecharase co VI Trofeo Federación DHI - Manzaneda Bike Park. O prazo para inscribirse remata o vindeiro día 13 ás 23:59 h. Fai click nesta ligazón para anotarte.