Xa podes solicitar a túa Licenza Federativa para o 2023

Para comezar o 2023 dispoñendo dende o 1 de xaneiro da túa Licenza Federativa e coa cobertura dos seguros en vigor, xa está activada a zona privada dos clubs para que poidan xestionar con antelación as licenzas dos seus federados. Un proceso que continúa sendo 100% dixital.

Os prezos das Licenzas foron aprobados, no apartado de Obrigas Financeiras, durante a Asemblea Xeral Extraordinaria celebrada onte pola Federación Ciclismo Galego no Estadio Vero Boquete de Santiago de Compostela, na sede da Federación Galega de Fútbol. Nesta xuntanza tamén recibiron luz verde o resto de puntos do día: Orzamento Anual 2023, Calendario Deportivo 2023, Normativa Técnica 2023 e o Regulamento de Licenzas 2023.

A Licenza Federativa é o complemento perfecto para que goces do teu deporte favorito ao longo da temporada tanto a nivel autonómico como estatal sen preocuparte por nada. Coa Licenza Federativa terás á túa disposición un completo seguro de accidente deportivo, ademais dun seguro de responsabilidade civil, asesoría e defensa xurídica, promocións, descontos... Solicita xa a túa Licenza Federativa 100% dixital e accede a ela a través do teu móbil sempre que o necesites!

Neste proceso a primeira licenza que hai que tramitar é a licenza do club, unha vez que esta estea validada, poderanse xestionar as licenzas dos ciclistas.

Consulta os prezos no documento que se achega ou facendo click neste enlace