Aviso sobre a xestión das licenzas para o Campionato de España de Ciclocrós

O prazo para inscribirse no Campionato de España de Ciclocrós, que se celebra do 9 ao 11 de xaneiro en Tarancón (Cuenca), conclúe o vindeiro martes.

Dado que nos atopamos en plena campaña de renovación das licenzas federativas e de que a oficina da Federación Ciclismo Galego (FCG) estará pechada dende este venres ata o vindeiro mércores, pola ponte de Reis, a FCG abre unha canle especial para aquelas persoas que teñan previsto asistir ao estatal de CX e teñan problemas para inscribirse. 

As ciclistas e os ciclistas que se atopen neste caso, poden contactar cos números 699 44 36 64 e 630 87 54 47.