O convenio entre federacións facilita a participación de ciclistas no Duatlon Cross das Letras

A Federación Ciclismo Galego (FCG) e a Federación Galega de Triatlón e Pentatlón Moderno (FEGATRI) manteñen en vigor o convenio de colaboración para facilitar que os deportistas con licenza nunha das dúas federacións poidan participar en probas pertencentes ao calendario do outro organismo. Ese acordo abrangue eventos como o II Duatlon Cross das Letras que o 17 de maio se celebra en Baio. Os ciclistas interesados en competir no concello de Zas poderán inscribirse por 17,2 euros. 

A organización do Tabeirón Deportivo estableceu un límite de 200 participantes. A proba dispútase sobre unha distancia de 29,4 quilómetros, dos cales 20 pertencen ao sector de BTT. O prazo para anotarse remata o 11 de maio ás 23:59 horas.

Fai click neste enlace para inscribirte