Pésame polo falecemento de Jorge Martín Montenegro

A Federación Ciclismo Galego (FCG) desexa transmitir as súas máis sentidas condolencias aos familiares e amigos de Jorge Martín Montenegro, falecido este sábado aos 40 anos de idade. O corredor arxentino estivo moi vinculado á nosa comunidade, defendendo as cores do Padronés-Cortizo dende o 2015 ata o 2021 e as do Retelec-Team Cycling Galicia no 2022. Tucho competiu no pelotón profesional con dous equipos, Andalucía-Cajasur e Louletano, e na súa dilatada traxectoria como Elite obtivo unha longa lista de sobranceiros resultados, entre eles, unha vitoria de etapa na Volta a Galicia do 2019. 

Descanse En Paz