Cancelación definitiva da Manzaneda Gran Fondo

O mal tempo obrigou o pasado 28 de abril a adiar a marcha cicloturista Manzaneda Gran Fondo e esa cancelación convértese agora en definitiva. A imposibilidade de atopar un oco no calendario leva á Federación Ciclismo Galego (FCG) a declinar a opción de celebrar a súa segunda edición no que resta do 2024. Os cartos das inscricións devolveranse de xeito inmediato. 

A organización deste evento expresa as súas desculpas pola demora en adoptar esta resolución e que se debeu ao intento de buscar unha data alternativa. Finalmente, resultou inviable por un cúmulo de circunstancias como son a falta de espazo dispoñible no calendario FCG, no da Dirección Xeral de Tráfico (DXT) e no de eventos de promoción da Estación de Montaña de Manzaneda.