O CTA galego inicia unha nova etapa

Un proxecto ilusionante comeza a dar as súas primeiras pedaladas no Comité Técnico de Árbitros galego. O CTA vén de renovar a súa directiva e as principais premisas desta nova etapa son o traballo colectivo, a formación técnica en todas as disciplinas e a paixón. Un ciclo que arranca cun profundo ánimo construtivo e que precisa do apoio de todo o ciclismo galego. 

O organigrama do CTA ten como novo presidente a Iago Raposo. A vicepresidencia corresponderá a Jorge García, a tesourería a Alberto Costa, a secretaría a Svytoslav Dmytruk Petruk e como vogais exercerán Noelia Serrano e José Manuel Moldes. Unha directiva aberta que seguirá sumando integrantes a prol do noso deporte.

"Co compromiso e a colaboración de cada unha e cada un de vós, estamos seguros de que podemos transformar os retos en oportunidades para crecer e mellorar, tanto individual como colectivamente", sinalan dende a nova dirección. 

Óscar Sánchez, vicepresidente da FCG

A Federación Ciclismo Galego tamén rexistra cambios na súa directiva. Óscar Sánchez, ata agora delegado na provincia de Pontevedra, asume a vicepresidencia da FCG. Un cargo no que aportará a súa experiencia e unha extraordinaria capacidade de traballo.