Condena e apoio a toda a familia do balonmán

Andrés Rico, veciño do Grove agredido o pasado 15 de decembro cando asistía como espectador a un partido de balonmán de base en Sanxenxo, faleceu nas últimas horas tras permanecer durante máis de dous meses ingresado nun hospital. A Federación Ciclismo Galego desexa transmitir o seu pésame aos seus familiares e amigos, unhas condolencias e un apoio que fai extensibles a todo o balonmán da nosa comunidade. 

D.E.P.

Este suceso fainos lembrar a importancia de erradicar a violencia do deporte. A FCG condena calquera tipo de comportamento contrario á diversión, á aprendizaxe e á convivencia. O deporte ten que ser un exemplo de respecto e tolerancia.