A Lalín Bike Race, escenario da segunda proba da Copa de España XCM

A Copa de España de Cross Country Maratón (XCM) volve á acción este domingo tras un parón de case dous meses coa disputa no municipio pontevedrés de Lalín da Lalín Bike Race.

O Extol MTB Team e o Montes do Deza organizan unha proba que ofrece un esixente trazado de 95 quilómetros e máis de 2.700 metros de desnivel positivo acumulado. As mulleres pola súa banda terán que facer fronte a 80 quilómetros e 2.400 metros de desnivel.

Simon Stiebjahn e Tessa Kortekaas lideran un circuíto estatal que se estenderá ata o próximo 1 de outubro cando se celebre en Paterna del Campo a quinta e última cita. Á proba galega concorren como algúns dos principais candidatos á vitoria Manuel Cordero, José Márquez, Alberto Mingorance ou Marcos García, entre outros. En categoría feminina non faltará a líder do circuíto, ademais doutras destacadas bikers como a mosense Susana Alonso ou Cristina Morán.

Adxunta á noticia poderás atopar a guía técnica da proba.

Máis información