Convocatoria de Galicia para o Campionato de España de Ciclismo Paralímpico en estrada

Este venres arranca o segundo Campionato de España que no 2025 se celebra en Galicia. A localidade lucense de Friol acolle o estatal de Ciclismo Paralímpico en estrada e a Selección de Breogán exercerá de anfitrio cun equipo composto por dez paraciclistas: catro corredores de bicicleta adaptada, catro handbikers e un tándem. A lista confeccionada polo seleccionador Jacobo Ucha é a seguinte:

MC3

Óscar Manuel López Velo (Neuroimpulse Galicia)

MC4

Damián Ramos Sánchez (Lasal Cocinas - Craega)

MC5

Severino Mata Villar (Lasal Cocinas - Craega)

Jose Antonio Bugarín Freiría (Lasal Cocinas - Craega)

MH2

Ángel Plácido López Fernández (Inclusivo Enki)

MH3

Alejandro González Pernas (Inclusivo Enki)

WH3 

María José Pose Santos (Inclusivo Enki)

MH5

Iván Manoel Montero Ferreiro (Neuroimpulse Galicia)

MB

Víctor García Carro - Felipe López Pérez (Inclusivo Enki)

O Team Relay para handbikes será a proba encargada de abrir a competición o venres 23 a partir das 17:30 h sobre un circuíto de 2,3 km no que se medirán as seleccións autonómicas máis potentes da actualidade. O sábado 24 de maio será a quenda para as contra o reloxos individuais, que se desenvolverán nun trazado de 9,4 quilómetros ao que os participantes efectuarán un número de voltas acorde á súa clase. As probas en liña, que se disputarán sobre o mesmo percorrido das 'cronos', pecharán o Campionato de España o domingo 25 de maio. A partir das 9:00 h competirán os tándems, xordos e bicicletas, mentres que os triciclos e handbikes farano desde as 11:00 h. 

Máis información