Test COVID obrigatorio realizado 24-72 horas antes do Gran Premio Cidade de Pontevedra

Debido ao carácter internacional do Gran Premio Cidade de Pontevedra, de categoría C1 no calendario da UCI e primeira proba da Copa de España de Ciclocrós 2021, tod@s @s participantes están obrigad@s a presentar un resultado negativo nun test de detección da COVID realizado 24-72 horas antes do evento, que se celebra na xornada do sábado a partir das 10:00 horas no circuíto da Illa das Esculturas. 

A organización tamén informa de que a oficina permanente abrirá as súas portas o venres na Facultade de Fisioterapia dende ás 17:00 ata as 19:00 horas para efectuar a recollida de dorsais.