Apertura do segundo prazo para solicitar Campionatos e Copas de Galicia

A Federación Ciclismo Galego (FCG) abre un segundo prazo para solicitar a organización dos Campionatos de Galicia e das citas puntuables para as Copas Galicia desta temporada que non foron adxudicados na primeira quenda. A data límite para os clubs interesados é o 7 de marzo. 

Unha das novidades para esta campaña 2025 consiste en que a través deste procedemento poden solicitarse a organización do Campionato de Galicia Infantil de Estrada así como a inclusión da categoría Infantil na Copa Galicia do Porvir. 

Os pregos de todos os eventos que aínda están por conceder atópanse dispoñibles na páxina web da FCG no apartado "Federación" --> "Solicitudes Competicións". Fai click nesta ligazón para consultalos 

Achégase un manual explicativo para os clubs que vaian realizar o trámite