Viveiro acollerá o Campionato de España de Ciclismo Adaptado en Estrada 2023

A Comisión Delegada da Real Federación Española de Ciclismo (RFEC) aprobou na súa última reunión a data e sede do Campionato de España de Ciclismo Adaptado en Estrada 2023.

A localidade lucense de Viveiro acollerá do 19 ao 21 de maio o estatal 2023; un evento sinónimo de paixón ciclista no que os mellores especialistas de España, entre os que se atopan algúns dos mellores do mundo como Ricardo Ten, Sergio Garrote, Luís Miguel García-Marquina ou Eduardo Santas e paraciclistas galegos como Iván Montero, Mila López e Damián Ramos, volverán expoñer todo o seu talento tanto nas probas contra o crono como en liña.

Toda a información sobre o estatal de ciclismo adaptado en estrada pode seguirse nas redes sociais a través do hashtag #CEAdaptadoCarretera23