Acordo de colaboración entre RFEC e Vigo-Rías Baixas para organizar o próximo congreso da UEC

A Real Federación Española de Ciclismo organizará o próximo Congreso da Unión Europea de Ciclismo o 17 de marzo de 2024 en Santiago de Compostela e contará coa colaboración do Vigo-Rías Baixas para levar a cabo as diferentes accións que requirirá a posta en marcha do mesmo. Hoxe, ambas as entidades, da man dos seus respectivos presidentes, José Luis López Cerrón e José Luis Chamorro, subscribiron un acordo para desenvolver esta colaboración na organización deste importante evento, que contará tamén co apoio da Xunta de Galicia.

Acompañando a José Luis López Cerrón, presidente da RFEC, e José Luis Chamorro, presidente do Vigo-Rías Baixas, estiveron na firma do acordo Alfonso Rueda Valenzuela, presidente da Xunta de Galicia; Diego Calvo Pouso, vicepresidente da Xunta de Galicia; José Ramón Lete, Secretario Xeral para o Deporte da Xunta de Galicia; Juan Carlos Muñiz, presidente da Federación Ciclismo Galego e Alejandro Martín, secretario xeral da RFEC.

Durante a celebración do próximo Congreso da Unión Europea de Ciclismo desenvolverase a reunión do seu comité director e na véspera celebrarase a Sharing Platform da UCI, mediante a cal se realizarán distintos actos culturais.

Máis información