A FCG organiza o Campus XCO Ciclismo Galego na Semana Santa

A Semana Santa será máis que nunca tempo de bicicletas en Galicia. A Federación Ciclismo Galego (FCG) lanza o seu Campus XCO, unha proposta de ocio e formación que se celebrará do luns 11 ao mércores 13 de abril e terá como epicentro as instalacións do Casino Mercantil en Pontevedra. Esta iniciativa diríxese a ciclistas federados e nados no 2006-2009 (infantís e cadetes).

As rapazas e os rapaces poderán gozar durante as súas vindeiras vacacións escolares de tres días de Cross Country Olímpico, a modalidade raíña do BTT. A organización do Campus XCO Ciclismo Galego estableceu un tope de 30 inscritos. Os interesados poden anotarse ata o 6 de abril e o importe é de 100 euros. 

Esta actividade seguirá un formato semellante ao Campus de Ciclocrós do pasado verán en Baños de Molgas e Maceda. Con estas convivencias a FCG busca fomentar a paixón pola bici combinando aprendizaxe con entretemento. 

Ligazón información e inscrición

https://fgalegaciclismo.es/index.php/smartweb/inscripcionescursos/curso/394