Lalín, sede este domingo do Campionato de España de BTT XCUM

A localidade pontevedresa de Lalín acolle este domingo o Campionato de España de Ultramaratón (XCUM), unha sempre esixente disciplina que contará coa participación de 240 competidores.

Ás 7:40 horas da mañá formaranse as grellas de saída para, ás 8:00 h. dar o pistoletazo inicial ao Campionato de España, unha Lalín Bike Race-Xacobeo 21-22 con saída e meta na Praza de Galicia.

Os homes terán que facer fronte a un percorrido de 140 quilómetros e 4.300 metros de desnivel positivo acumulado, mentres que as mulleres competirán sobre un trazado de 121 quilómetros e 4.000 metros de desnivel positivo acumulado.

Non faltarán á cita os vixentes campións na categoría elite. A mosense Susana Alonso e Fran Herrero defenderán os títulos conquistados o ano pasado en León ante unha gran nómina de candidatos a vestir a camisola 'rojigualda' de campión de España como José Márquez, Roberto Bou, Manuel Cordero, Ramona Gabriel, Estefanía Gutiérrez ou a pontenovesa María Teresa Barreira, entre outros.

Fonte: RFEC

Máis información e Guía Técnica