Convocatoria da Selección de Galicia DHI para a Taça de Portugal de Boticas

A Selección de Galicia DHI cruza a fronteira esta fin de semana, 6 e 7 de maio, para abrir a súa temporada nun evento de clase C1 no calendario da Unión Ciclista Internacional (UCI). O combinado autonómico de Descenso participará con oito riders na Taça de Portugal Downhill presented by Shimano de Boticas. A lista confeccionada pola seleccionadora Eva Castro para competir no distrito luso de Vila Real é a seguinte:

CADETE M

Xurxo Campos Quintela (Monteneme, C.C.)

Xabi Rial Pola (Bici Verde, C.C.)

JÚNIOR M

Yago Mato López (Compostelano, C.C.)

André Martínez Rodríguez (Avanza-O Porriño, A.D.)

Hugo Rosendo Piñeiro (Cerdedo-Cotobade, C.C.)

Héctor Quinteiro Lorenzo (Pontebike Team, C.)

SUB23 M

Zoe del Río Collazo (XSM, C.C.)

ELITE F

Gemma Chapela Caíño (VK Bikes, C.)

A cuarta cita da Taça de Portugal reunirá a máis de 200 riders, oriundos de preto dunha decena de países. O Descenso terá como escenario unha pista de 2,1 quilómetros cun desnivel de 300 metros. A acción comezará o sábado, coa xornada de adestramentos, e a competición concéntrase no domingo. Ás 12:00 (hora galega) arrancará a quenda de clasificación e a final está fixada para as 15:00 h.