Saúl Vilar competiu coa selección española na Copa do Mundo de BMX Freestyle Park de Bruxelas

Entre os seis riders que representaron á selección española na Copa do Mundo de BMX Freestyle Park de Bruxelas houbo un galego. Saúl Vilar formou parte da convocatoria confeccionada polo seleccionador Alejandro Alcojor. Medíndose aos mellores especialistas do planeta, o vigués non puido superar a clasificatoria. 

Esta participación nas Urban Sessions da capital belga dá continuidade á presenza de Saúl Vilar, de 15 anos, nos plans do combinado estatal. O prometedor rider do BMX Cromoly xa asistiu o pasado outono a unha concentración previa ao Campionato do Mundo, evento que finalmente non disputou. 

Máis información