A Copa Galicia XCO completou o seu calendario no XaxanBike

A oitava e última xornada da Copa Galicia de Cross Country Olímpico disputouse o pasado sábado en Marín. As vitorias no XaxanBike, organizado polo Club XSM, corresponderon a Marta Utrera (Armenteira e Punto) e Guillermo García (Avanza - O Porriño) en Infantil, a Iris Santana (Coruxo) e Marcos Rodríguez (Academia Postal - Maceda) en Cadete; a Lorena Patiño (XSM) e Martín Díaz (Caimanes Betanzos) en Júnior; a Sofía Álvarez (Cambre) e Fabián Rodríguez (Cambre) en Sub-23; a Lara Lois (RG Bikes) e Saúl López (Academia Postal - Maceda) en Elite; a Raquel Vázquez (Cambre) e Manuel Ángel Parada (Xesteiras) en Máster-30; a Silvia García (Bici Verde) e Constantino Muñoz (Grupeta Pan de Zarko) en Máster-40; a Antonio Rodríguez (Ourense Termal) en Máster-50; e a Manuel Bugallo (Biciosos-Rías Baixas) en Máster-60. Por equipos venceu o Cambre. 

A derradeira proba do calendario non provocou ningún cambio de líder e as camisolas das xerais do certame autonómico de XCO recibíronas Marta Utrera e Guillermo García en Infantil; Iris Santana e Lucas Lozano (XSM) en Cadete; Marta Estévez (XSM) e Martín Díaz (Caimanes Betanzos) en Júnior; Sofía Álvarez e Martín Sestelo (Avanza - O Porriño) en Sub-23; Juana María Vidal (Motob Bike) e Rubén Deaño (Ourense Termal) en Elite; Manuel Ángel Parada en Máster-30; Silvia García e Jorge Aguín (Moto Bike) en Máster-40; Antonio Rodríguez en Máster-50; e Antonio Bugallo en Máster-60. A clasificación por equipos tivo como gañador ao Cambre. 

Toda a información da Copa Galicia XCO atópase na súa sección desta páxina web e nas redes sociais a través do cancelo #CopaGaliciaXCO24.

Clasificacións