A Copa de España de Ciclismo Paralímpico rematará na Laracha

Esta temporada vanse coroar en Galicia as gañadoras e os gañadores das dúas competicións máis importantes de Ciclismo Paralímpico a nivel estatal. O pasado mes de decembro deuse a coñecer que Viveiro acollerá o Campionato de España, do 19 ao 21 de maio, e nos últimos días a Comisión Delegada da Real Federación Española de Ciclismo (RFEC) aprobou o calendario de probas que comporán a Copa de España. A última das catro citas deste certame terá como escenario a localidade coruñesa de A Laracha. 

O Club Ciclista Riazor organizará o sábado 15 de xullo a primeira edición do Gran Premio Adro de Vilaño. Con este evento rematará o calendario da Copa de España de Ciclismo Paraciclismo 2023, un circuíto de probas que arrancará o 15 de abril en Molina de Segura (Murcia), continuará ao día seguinte en Ceutí (Murcia) e celebrará a súa terceira e penúltima xornada o 7 de maio en Bembibre (León). 

Toda a información ao respecto da Copa de España de Ciclismo Paralímpico pódese atopar nas redes sociais a través do hashtag #CopaEspañaParalímpico e na súa sección dentro da páxina web da RFEC.