17 DE MARZO DE 2025
Fotos: RFEC
Novo meritorio resultado de Alejandra Neira a nivel internacional na súa primeira temporada como júnior. Despois do seu noveno posto na Clásica Jaén Paraíso Interior, a santiaguesa rematou décimo quinta este domingo no Piccolo Trofeo Alfredo Binda, segunda cita no calendario da Copa das Nacións da UCI. A ciclista do Baqué Movistar Team foi a primeira corredora da selección española que cruzou a liña de meta na proba italiana.
A competición de 73 quilómetros logrou librar a presenza da chuvia, malia a constante ameaza dun ceo gris e toldado. Aínda así, a auga caída nas xornadas previas mantivo o chan lixeiramente húmido, o que provocou algunhas caídas nos compases iniciais.
A carreira deparou multitude de ataques, incluído un valente intento de Alejandra Neira a uns 20 quilómetros para o final, pero ningún logrou frutificar ata que o pelotón iniciou a volta final ao circuíto que vertebraba este Piccolo Trofeo Binda. A neerlandesa Megan Arens (Grouwels-Watersley) aproveitou o último ascenso para cambiar o ritmo e marcharse xunto a súa compañeira Sidney Swierenga e a suíza Anja Grossman, quedando en solitario pouco despois grazas a un ritmo infernal. A gañadora ergueu os brazos na meta de Cittiglio con 13 segundos sobre Sidney Swierenga e 18 con Anja Grossman. O pelotón cruzou a meta a 1'23" encabezado por Auke De Buysser e Erik Boothman, mentres que Alejandra Neira e a castelá Lidia Castro lograron concluír décimo quinta e décimo sexta. Outras tres corredoras da selección española -Leyre Almena, Celia Torres e Irene Moreno- finalizaron tamén no pelotón.
A próxima cita da Copa das Nacións será o Tour de Guevaudan, o 10 e 11 de maio.
CARRETERA
CARRETERA
CARRETERA
CARRETERA
CARRETERA
CARRETERA
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es