Aliñación da Selección de Galicia para o Team Relay do Campionato de España de Ciclocrós

O Campionato de España de Ciclocrós 2026 arranca este venres na localidade conquense de Tarancón coa proba Team Relay a partir das 15:45 horas. A Selección de Galicia é a actual subcampioa na proba de remudas por equipos e o combinado dirixido por José Alberto del Río presentará un sexteto formado pola cadete Vega Aldrey (Cambre, C.C.), o júnior Marcos Rodríguez (Maceda, C.C.), a sub-23 Lorena Patiño (Cardedeu, C.C.), o sub-23 Ricardo Buba (Coruxo, C.C.), a elite Irene Trabazo (XSM, C.C.) e o elite Miguel Rodríguez (Supermercardos Froiz, G.D.).

Esta carreira abrirá o programa de competición no circuíto deseñado na pradería da Ermita de la Virgen de Riánsares, un trazado de 3.000 metros de lonxitude que conta con pasos elevados, ladeiras, obstáculos e areeiro. A proba Team Relay poderá seguirse en directo a través das redes sociais da Real Federación Española de Ciclismo. 

Convocatoria completa da Selección de Galicia