Loito no ciclismo galego pola morte de Adolfo Soliño Fernández, presidente do Club Ciclista Cangas

A Federación Ciclismo Galego quere transmitir as súas condolencias e o seu cariño aos familiares e amigos de Adolfo Soliño Fernández. O presidente do Club Ciclista Cangas faleceu nas últimas horas aos 63 anos de idade. 

Os seus compañeiros de club informan que os restos mortais de Adolfo serán conducidos este xoves, ás 16:15 horas, dende a sala número 1 do Tanatoria de Cangas ata a ex-colexiata de Santiago de Cangas, onde se celebrará o funeral polo seu eterno descanso e a continuación realizarase o traslado para a súa inhumación no cemiterio municipal de Cangas. 

Descanse en Paz