Carballo acolle a segunda proba da Copa de España de Ultramaratón

A segunda proba da Copa de España de Ultramaratón arranca este sábado ás 8:30 horas dende Carballo. Os corredores emprenderán, desde o Forum Carballo, un percorrido de 151 quilómetros e 3.900 metros de desnivel positivo acumulado que transcorrerá polos montes e camiños rurais das localidades de Carballo, Laracha, Arteixo, Malpica de Bergantiños, Ponteceso, Coristanco, Cabana de Bergantiños, Zas e Santa Comba. 

Os ciclistas terán que facer fronte a un total de 9 portos de montaña e terán a posibilidade de recuperar forzas nos 5 puntos de avituallamento establecidos ao longo do itinerario pola organización, a cargo do Club Ciclista Monteneme. 

Anna Ramírez (VIC-ETB) e Francisco Herrero (Cannondale TB) lideran a clasificación xeral tras facerse co triunfo na primeira proba do certame celebrada en León o pasado 2 de abril. Esta proba contará cun amplo regueiro de candidatos como son Brandan Márquez (V Bike), Javier Busto (Extol MTB Team) e Álvaro Nieto. No cadro feminino podemos destacar a Estefanía Gutiérrez (Cares Deva), Marta Ballesteros (Conway CDC Trujillo) e María Teresa Barreira (Extol MTB Team). 

Fonte: RFEC