A Copa de España de Enduro decídese coa Montefaro Enduro Race

A Copa de España de Enduro chega este domingo ao seu final coa disputa da última e decisiva cita, a Montefaro Enduro Race. As localidades coruñesas de Mugardos e Ares serán o escenario onde se definirán os novos campións do certame estatal.

A proba, organizaba polo club Pulpeiros Mugardos, consta de 5 tramos de ligazón cos seus 5 tramos cronometrados; un trazado que fará as delicias dos participantes nesta xa clásica proba estatal.

Á cita chegan como líderes Verónica Cuello e o naronés Marco Veiga. Cuello manda na clasificación absoluta con 507 puntos polos 438 da súa máis inmediata perseguidora, a arteixá Alba Arias. 

En canto á clasificación absoluta masculina, Marco Veiga, que non se perderá esta Montefaro Enduro Race, conta cunha marxe de 55 puntos con respecto ao andorrano Álex Iscla.

A saída do primeiro rider darase partir das 8:00 h. ou 8:30 h. en función da participación final. Adxunta á noticia atópase a guía técnica da proba.

Máis información