Xornada formativa FCG para árbitros

A Federación Ciclismo Galego programou unha intensa axenda formativa para a Semana Santa e unha das xornadas está dirixida aos árbitros. O venres 15 de abril, a partir das 10:00 horas, o salón de actos do Hotel Avenida de Pontevedra acollerá un curso de actualización e aplicación das novas tecnoloxías. Esta activididade dividirase en dúas sesións e tamén responde ao formato de convivencia.

O requisito para participar é ter a licenza de árbitro en vigor e a inscrición é gratuita. Os asistentes recibirán un curso de nivel avanzado sobre o emprego do programa informático de xestión e cronometraxe de probas CRONOFEC. Encargarase de impartilo Rogelio Bautista.

A continuación, efectuarase unha práctica de control de carreiras mediante transponders, que correrá a cargo de Alberto del Río e Alberto Costa. A xornada pecharase cun xantar.