Convocatoria da Selección de Galicia para o XIII Ciclocross Alcobendas

O calendario de competicións da Selección de Galicia de Ciclocrós na temporada 2025-2026 comeza esta fin de semana na Comunidad de Madrid. O seleccionador Jose Alberto del Río confeccionou unha lista de dez especialistas cadetes, cinco rapazas e cinco rapaces, para participar este domingo no XIII Ciclocross Alcobendas Ciudad Europea del Deporte 2025, quinto evento puntuable para a Copa de España. A convocatoria completa é a seguinte: 

Pedro Cidrás Álvarez (XSM-Santomé de Piñeiro, C.C.)

Vega Aldrey Ventureira (Cambre, C.C.)

Aarón Rodríguez Arenas (Lynalfa-C.C. Ponteareas)

Marta Utrera Carballo (Armenteira e Punto, C.)

Sergio Pérez Novio (Avanza-O Porriño, A.D.)

Nerea Soto Álvarez (Lynalfa-C.C. Ponteareas)

Guillermo García Alonso (Avanza-O Porriño, A.D.)

Lara Fernández López (Cambre, C.C.)

Mateo Hermida Bastos (Lynalfa-C.C. Ponteareas)

Clara Pintos Gómez (Lynalfa-C.C. Ponteareas)

A Federación Ciclismo Galego traballou coa categoría cadete a finais de outubro na Xornada de Tecnificación que tivo lugar en Betanzos e a aposta polas promesas do CX queda de novo de manifesto acudindo a un evento que se celebra na mesma comunidade autónoma que acollerá en xaneiro o Campionato de España en Tarancón. Formando parte da Selección de Breogán comparecerán en Alcobendas dous dos tres primeiros clasificados na xeral cadete masculina da Copa de España. Guillermo García encabeza a táboa con 91 puntos e Pedro Cidrás ocupa a terceira posición con 55. 

O circuíto de 3 quilómetros na cidade deportiva Valdelasfuentes divídese en dúas campas. Unha delas conta cun rápido trazado, con diferentes cambios de dirección e dúas subidas esixentes. Pola súa banda, a segunda campa consta de múltiples obstáculos, treitos de area e taboleiros. 

Máis información