Suspensión da 3H BTT Noia

O Club Peña Ciclista Toxo suspende a celebración da 3 Horas BTT Noia, segunda xornada puntuable da Copa Galicia 3h Resistencia, debido á adversa previsión meteorolóxica para este domingo. "Moito o noso pesar, e rogando a vosa comprensión, a 3Horas Btt Noia 2025 queda ANULADA por mor das condicións climatolóxicas e a alerta laranxa comunicada pola AEMET en todo o litoral galego", publicou a entidade organizadora deste evento nas súas redes sociais.

Ante a imposibilidade por parte do CPC Toxo de atopar este ano unha nova data para a disputa da carreira, ao longo da semana que vén procederase á devolución das inscricións. 

A Copa Galicia 3h Resistencia regresará o domingo 2 de febreiro en Camariñas. Toda a información sobre este certame podes atopala na súa páxina web e nas redes sociais a través do cancelo #CopaGaliciaRST25.