05 DE ABRIL DE 2024
A Copa de España de Enduro gozará este próximo sábado 6 e domingo 7 de abril da celebración da segunda proba do seu calendario, o Endurrazo, unha proba xa referente do calendario estatal da especialidade e que en 2019 acolleu a disputa do Campionato de España.
O Endurrazo 2024 desenvolverase no municipio pontevedrés de Moaña baixo un formato de festival, que fará as delicias dos participantes e asistentes polas diversas alternativas de lecer que ofrece. Ademais, contará como gran reclamo cun tramo nocturno dun quilómetro, completamente iluminado, que se disputará durante a noite do sábado 6 de abril; unha iniciativa que xa foi todo un éxito na pasada edición e que neste 2024 volverá repetir a organización, que correrá a conta de THC Bike Club.
Os adestramentos quedarán prohibidos ao longo de toda a semana e arrincará cos libres do venres e sábado previos á competición, que en total contará con catro especiais máis a nocturna. En canto á participación, cabe destacar de entre os máis de 300 rexistrados a Sara Yusto, Natalia Menéndez e Marta García como principais candidatas á vitoria nos montes de O Morrazo; mentres que entre os homes Marco Veiga, Edgar Carballo, Mauro González e Mario Palacio postúlanse como os principais candidatos á gloria.
BTT
BTT
BTT
BTT
BTT
BTT
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es