Presentación do I Ciclocross Concello de Ribadumia

Nunha fin de semana de estreas na Copa Galicia, a quenda de Ribadumia chegará o domingo. A partir das 09:30 horas terá lugar na Carballeira desta localidade do Salnés a primeira edición do Ciclocross do Concello de Ribadumia. Trátase da undécima xornada do certame autonómico.

O evento organizado polo Club Ciclista Ribadumia foi presentado este martes na casa consistorial deste municipio pontevedrés nun acto que contou coa presenza do alcalde David Castro; Juan Carlos Esperón, concelleiros de Deportes; Manuel González Martínez, deputado provincial; Javier Pombo, presidente do Club Ciclista Ribadumia; e Alberto del Río, seleccionador galego de ciclocrós e técnico da FCG.