O Ciclocrós Inclusivo contará con media ducia de eventos no calendario galego

Todo comezou cun pioneiro como Borja Gómez e ano a ano non deixa de ir a máis. O Ciclocrós Inclusivo alcanzará esta campaña os seis eventos no calendario galego. As dúas primeiras carreiras disputaranse esta fin de semana formado parte dos programas do Gran Premio Cidade de Pontevedra, o sábado, e do Ciclocross Internacional XaxanCX, o domingo. Fai click nesta ligazaón para acceder ao Formulario de Inscrición

Despois dun inicio por todo o alto, o calendario inclusivo completará o seu mes de outubro o domingo 22 no Ciclocross Val de Esmelle en Ferrol. O segundo bloque da temporada arrancará o domingo 3 de decembro no Ciclocross Borja Gómez Méndez en Ponteareas e na véspera de Noiteboa as corredoras e os corredores con diversidade funcional volverán a escea o sábado 23 no Ciclocloss Castelo de Maceda. Por último, o o curso 2023-2024 pecharase para todo o ciclocrós autonómico o domingo 7 de xaneiro no Campionato de Galicia en Cambre. 

Galicia impulsa o Ciclismo Inclusivo comezando polo Ciclocrós e desexando que se estenda ao resto de modalidades. A experiencia positiva do ano pasado anima a seguir traballando na mesma liña contando cos clubs organizadores como apoio fundamental. Búscase máis participación e tamén que aumente a presenza feminina. A Federación Ciclismo Galego promove este proxecto asumindo o custo da licenza dun día de tod@s @s ciclistas.