Convocatoria de Galicia para o Campionato de España de Descenso 2025

A Selección de Galicia de Descenso puxo este xoves rumbo á Estación de Esquí de La Molina (Girona), sede durante esta fin de semana do Campionato de España 2025. A expedición do combinado autonómico, encabezada pola seleccionadora Eva Castro e a súa 'man dereita' Luis Manovel, está composta por oito riders. A convocatoria é a seguinte:

CADETE M

Mario Barreiro González (Cerdedo-Cotobade, C.C.)

JÚNIOR F

Arantxa Gómez Martínez (OsdoSacho, C.C.)

Alexia Santervas Acuña (A Forna, A.D.)

JÚNIOR M

Marcos Castelo Vázquez (Gráficas Lar, P.C.)

ELITE-SUB23 M

Víctor Mariño Ferreira (X Bikes, C.C.)

André Martínez Rodríguez (Avanza-O Porriño, A.D.)

Héctor Quinteiro Lorenzo (Bici Verde-Bo Papel, C.C.)

Hugo Rosendo Piñeiro (Cerdedo-Cotobade, C.C.)

O sábado terán lugar os adestramentos oficiais, mentres que xa o domingo disputaranse tanto a primeira manga como a final. A estación catalá de La Molina deseñou un circuíto que discorre pola paraxe de La Comella, con 2,6 quilómetros de lonxitude e un desnivel negativo de 458 metros. Un trazado que arranca a máis de 2.000 metros de altitude e que alterna tramos naturais con zonas específicas de Bikepark. Este mesmo escenario acollerá o Campionato de Europa da especialidade nos primeiros tres días do vindeiro mes de agosto. 

Máis información