Jorge Punzón, 18º no Mundial de Eliminator

Defendendo as cores da selección española Jorge Punzón disputou o pasado domingo en Barcelona o Campionato do Mundo de BTT Eliminator. O corredor porriñés superou a clasificatoria no circuíto ao redor das Fonts de Montjuïc, pero quedou apeado na primeira rolda de carreiras. O actual campión estatatal de XCE ocupou a 18ª posición, un resultado que non o deixou satisfeito. 

"Non é o esperado nin un pequeno reflexo do traballo que hai detrás. Agora só podo descansar, mirar cara diante e aprender dos meus erros", publicou Punzón nas súas redes sociais. A mellor actuación do combinado estatal na proba encadrada na Cycling Week Barcelona asinouna Alberto Mingorance. O andaluz alcanzou as semifinais e rematou oitavo.

Máis información