Saúl Vilar será o representante masculino da selección española no Mundial de BMX Freestyle Park

O outono de grandes citas internacionais para Saúl Vilar conclúe a vindeira semana en Riyadh (Arabia Saudita). A cidade máis poboada da Península Arábiga acolle do 4 ao 8 de novembro o Campionato do Mundo de Ciclismo Urbano e na especialidade de BMX Freestyle Park como único representante masculino da selección española estará o rider vigués do BMX Cromoly. Será a súa estrea na cita que designa a nómina de portadores da camisola do arco da vella para os próximos 365 días. 

O vixente campión de España na categoría absoluta vén de asinar a 16ª praza no Europeo celebrado en Eindhoven e a 44ª na Copa do Mundo de Shanghai. Máis alá de buscar o acceso á final do Mundial, que se disputará o día 8, o seu obxectivo con 18 anos en Riyadh pasa por adquirir experiencia de cara ao seu prometedor futuro e seguir sumando puntos UCI. 

Máis información