Saúl Vilar brilla en Vilnus para ser noveno na Ride the Dragon da clase C1 de BMX Freestyle Park

A selección española de BMX Freestyle Park pechou a súa participación na Ride the Dragon, proba C1 internacional que tivo lugar en Vilnus (Lituania), coa novena praza de Saúl Vilar como posición máis destacada. O rider vigués do BMX Cromoly continúa crecendo a pasos axigantados e demostrou un sensacional nivel durante os tres días de competición. Primeiro superou a clasificatoria, logo as semifinais na novena praza e concluíu a final nesa mesma novena posición ante rivais de gran entidade como o británico e campión continental Dylan Hessey.

O principal obxectivo neste evento do combinado estatal, dirixido polo seleccionador Javier Alonso, era conseguir puntos UCI para seguir escalando postos na clasificación mundial e, deste xeito, asegurar a presenza nas probas da Copa do Mundo. 

Máis información