Facebook Twitter Youtube Instagram Español

Presentación do XXII Trofeo de Ciclocrós Cidade de Santiago

22 DE NOVIEMBRE DE 2023

Preto de 300 participantes correrán este domingo na quinta xornada da Copa Galicia

Presentacion-do-XXII-Trofeo-de-Ciclocros-Cidade-de-Santiago

Será este domingo 26 de novembro nas inmediacións do Estadio Verónica Boquete cando preto de 300 ciclistas chegados das catro provincias galegas e de fóra da nosa comunidade, de entre 14 e 69 anos, pedalearán os 2.600 metros dun renovado circuíto do Ciclocross Cidade de Santiago que forma parte da Copa de Galicia como a súa quinta xornada. 

A concelleira de Deportes, Pilar Lueiro, acompañada de Abel Gómez, presidente do Club Ciclista Compostelano; Berto del Río, técnico da Federación Ciclismo Galego, e Alberto Ferreiro, técnico do club ciclista Compostelano, presentaron esta mañá en rolda de prensa o XXII Trofeo de Ciclocross que terá lugar este domingo 26 de novembro. Organizado polo club ciclista Compostelano-Muebles Compostela, a competición celebrarase a partir das 09:30h cun percorrido que discorre na súa totalidade por zona verde, con meta e saída no Estadio Verónica Boquete.

imagen

A concelleira Pilar Lueiro convidou a toda a veciñanza a achegarse a San Lázaro para asistir a esta proba da que destacou "a súa espectacularidade e atractivo visual" e quixo reiterar "o compromiso do goberno co fomento do deporte e cunha disciplina, neste caso, o ciclocross rodeada de vitalidade e entusiasmo e que combina resistencia, técnica e estratexia nunha proba que xa é unha clásica con moita tradición na cidade, unha cita que leva 22 anos celebrándose".

O circuíto estará balizado, contando cun peche perimetral xa existente de malla, que impide o acceso desde a zona de Equipos sen pasar previamente polo control de acceso. Unha competición que é ademais puntuable para o ranking estatal, e no que colabora ademais do Concello de Santiago de Compostela, a Federación Ciclismo Galego e a Xunta de Galicia.

As categorías da proba serán infantil, elite e sub-23, júnior, cadete e máster 30/40/50/60 tanto en masculino como en feminino.

 

R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es