Nacen as Mini DH Galicia Series

Por primeira vez na historia o ciclismo galego conta cun amplo calendario de Mini DH e en catro meses celebraranse oito eventos de Descenso para cativos e cativas na nosa comunidade. Nacen as Mini DH Galicia Series, unha nova aposta pola canteira desta disciplina que reflicte o bo traballo que se está a realizar nas escolas. O futuro do descenso vívese en Galicia.

A apertura da temporada terá como escenario Mondariz o 13 de abril e estará dedicada a Borja Gómez Méndez, o corredor do Ponteareas, C.C. que é un exemplo de superación para todos os rapaces e rapazas. 

A partir do mes de xuño o calendario intensíficase. O día 9 dese mes disputarase o Xaxanbike en Marín e no mesmo concello regresará a acción o día 28 co Mini DH Kamikazes. 

Tras as tres primeiras probas na provincia de Pontevedra, ao longo do verán estas Mini DH Series visitarán as outras tres provincias. O 13 de xullo farán parada na localidade lucense de Sarria e unha semana máis tarde chegará a terras coruñesas para IV edición do Val de Esmelle. 

A primeira fin de semana de agosto Culleredo acollerá o Mini DH Os Lagartos MTB Center e Ourense pedirá paso o 17 dese mes coa cita en Xunqueira de Espadanedo. A despedida do curso quedará para o 17 de setembro nos montes de Vigo. 

Calendario

13/04/2019                                                    I Mini DHU Mondariz dedicado a Borja Gómez Méndez                Ponteareas, C.C.

09/06/2019                                                                               I Xaxanbike                                                                  Marín, C.C.

28/06/2019                                                                         I Mini DH Kamikazes                                                       Kamikazes, C.D.

13/07/2019                                                                        Mini DHU Villa de Sarria                                                  DH Galicia, C.

20/07/2019                                                                     IV Mini DH Val de Esmelle                                                  Esmelle Club

03/08/2019                                                                I Mini DH Os Lagartos MTB Center                                        Serbikes Team, C.

17/08/2019                                                                             I DH Xunqueira                                                             Maceda, C.C.

14/09/2019                                                                      I Mini DH Montes de Vigo                                                  Coruxo, C.C.