06 DE MARZO DE 2020
Inicio exótico de calendario para Delio Fernández. O ciclista moañés do Nippo Delko One Provence abriu a súa temporada disputando o Tour de Taiwán e nesta proba por etapas do UCI Asia Tour conseguiu a novena posición na clasificación xeral final.
Despois de pasar polo quirófano a principios de decembro para operarse dun ombreiro, o morracense púxose o seu primeiro dorsal do ano 2020 no continente asiático. Foi na cuarta das cinco etapas desta volta cando se filtrou nunha fuga e grazas ás bonifacións conseguiu meterse no top ten.
O australiano Nicholas White (Team BridgeLane) impúxose na axustada xeral final. Delio terminou a 22 segundos do gañador e como segundo mellor español e europeo. "Sabendo que a miña condición non é a mellor nestes momentos, houbo que sufrir e buscar a forma de ir rascando bonificacións para asomar a cabeza. Agora toca seguir traballando para as carreiras de Europa, que aí si que é outro conto", valorou o corredor galego nas súas redes sociais.
PROBAS DEPORTIVAS
PROBAS DEPORTIVAS
PROBAS DEPORTIVAS
PROBAS DEPORTIVAS
PROBAS DEPORTIVAS
PROBAS DEPORTIVAS
R/ Fotógrafo Luís Ksado, 17
36209 Vigo (Pontevedra)
Tel.: 986.22.41.58
federacion@fgalegaciclismo.es