Laura Carrera regresa ao podio do Campionato de España de BMX Freestyle Park

Tras rozala o ano pasado, Laura Carrera volveu acadar unha medalla no Campionato de España de BMX Freestyle Park. Bronce no 2022 e cuarta no 2023, a rider viguesa fíxose a pasada fin de semana co metal de prata na competición disputada no marco do festival de deportes urbanos Extreme Barcelona. Nesta cita estivo a piques de chegar un segundo podio para o conxunto olívico do BMX Cromoly posto que Saúl Vilar clasificouse cuarto na proba raíña masculina. 

A favorita Teresa Fernández-Mirada impúxose entre as mulleres por quinto ano consecutivo. A de Valladolid, principal referente estatal desta especialidade, foi a única rider que mellorou a actuación de Laura Carrera. O terceiro chanzo do caixón correspondeu á vasca Maialen Seisdedos. 

O sub-23 Saúl Vilar, de 17 anos, sumou 71,67 puntos na cita previa a súa participación no Campionato de Europa. O vigués quedou a 2,16 puntos da terceira praza, unha posición que se adxudicou o catalán Pol Díaz. O gañador, o castelanleonés Daniel Peñafiel, apuntouse o título con 84 puntos. Entre os dez primeiros finalizou o cambrés Adrián Ventureira, sexto con 69 puntos. 

Máis información