Convocatoria de Galicia para o Campionato de España de Ciclismo Paralímpico

A temporada de Campionatos de España de Estrada ábrese co de Ciclismo Paralímpico. Dende este venres e ata o domingo celébrase na localidade murciana de Caravaca de la Cruz unha cita á que a Selección de Galicia acode con catro representantes. A convocatoria confeccionada poloa seleccionador Jacobo Ucha é a seguinte: 

MH5

Iván Manoel Montero Ferreiro (Neuroimpulse-Galicia)

MC4

Damián Ramos Sánchez (Lasal Cocinas - Craega)

MC5

Severino Mata Villar (Triatlón Poio)

MC3

Óscar Manuel López Velo (Neuroimpulse-Galicia)

Co handbiker Iván Montero defendendo as dúas coroas acadadas o ano pasado en Viveiro, os paraciclistas da Selección de Breogán entrarán en acción o sábado, a xornada reservada ás contra o reloxo individuais (CRI). Sobre unha distanica de 21 quilómetros, a ascensión ao Alto del Caracolillo preséntase como a principal dificultade, unha esixente subida de 2 km ao 5% de pendente media. O Campionato pecharase o domingo coas carreiras de fondo. Todas as clases enfrontaranse ao mesmo percorrido de 16 km, ao que darán un número determinado de voltas, e volverán ter no Alto del Caracolillo o treito máis selectivo. 

Máis información