O primeiro Campionato de Galicia de Gravel da historia celebrarase o 5 de outubro en Carballo

Unha modalidade do ciclismo en auxe contará dende este 2025 co seu Campionato de Galicia. Esa cita histórica chegará o vindeiro 5 de outubre no Gravel Costa do Morte. A segunda edición da proba organizada polo Club Ciclista Monteneme na localidade coruñesa de Carballo coroará ás primeiras campioas e campións da nosa comunidade. 

O percorrido será de 54 quilómetros e acumularanse 969 metros de desnivel positivo transitando por corredoiras, camiños e pistas. Esta carreira forma parte dun doble evento porque ese mesmo día se celebra a XXI Marcha Costa da Morte de BTT Maratón. 

Dúas semanas antes, o 21 de setembro, disputarase outro desafío para fondistas. O XCM Condado-Paradanta, no sur da provincia de Pontevedra, exerecerá de Campionato de Galicia de Cross Country Maratón. A proba creada pola A.C.D. Sanomedio, e que terá como epicentro o concello das Neves, xa abriu inscricións Fai click nesta ligazón para apuntarte