Alejandra Neira disputará coa selección española júnior a Watersley Ladies Challenge

No seu primeiro ano na categoría, Alejandra Neira xa é unha habitual nas convocatorias da selección española júnior. A santiaguesa do Baqué Movistar Team, flamante campioa estatal de contra o reloxo individual, forma parte da lista de seis ciclistas confeccionada pola seleccionadora Gema Pascual para defender dende este venres, día 25, a vitoria lograda o ano pasado pola navarra Paula Ostiz na Watersley Ladies Challenge. A proba neerlandesa é a penúltima cita do calendario da Copa das Nacións da UCI 2025. 

A competición comezará este próximo venres cunha contra o reloxo individual de 6,4 quilómetros e continuará con dúas etapas en liña de perfil quebrado, con numerosas pequenas subidas. O sábado terá lugar unha tirada de 74,2 km, mentres que o domingo a xornada final constará de 82,1 km. 

Máis información